Landsréttur mildaði í síðustu viku dóm héraðsdóms yfir 28 ára karlmanni, Kristófer John Unnsteinssyni, sem dæmdur hafði verið í þriggja ára fangelsi fyrir að nauðga stúlku eftir starfsmannafögnuð á vinnustað þeirra árið 2015. Var stúlkan þá 17 ára og maðurinn 24 ára. Segir í dómi Landsréttar að 22 mánuðir hafi liðið frá nauðguninni og þangað til ákæra var gefin út og er sú töf metin manninum til refsilækkunar. Er dómurinn mildaður í tvö og hálft ár.

Var maðurinn dæmdur fyrir að hafa nauðgað stúlkunni í aftursæti bifreiðar eftir árshátíð vinnustaðar þeirra í janúar 2015. Var framburður þeirra beggja stöðugur fyrir dómi um málsatvik, en þau greindi á um hvort samþykki hafi legið fyrir. Segir í dóminum að stúlkan hafi strax eftir verknaðinn haft samband við fjóra einstaklinga og sagt þeim að sér hafi verið nauðgað. Þá var hún í miklu uppnámi og greindi tveimur af vitnunum frá því að hún hefði gefið Kristófer til kynna að hún væri mótfallin samförum við hann.

Frétt af mbl.is

Þriggja ára fangelsi fyrir nauðgun

Læknir og hjúkrunarfræðingar á neyðarmóttöku greindu einnig frá því að stúlkan hafi sagt þar að hún hafi margsagt Kristófer að hún vildi þetta ekki. Féllst héraðsdómur sem og Landsréttur á í ljósi þessa og atvika málsins að framburður hennar væri trúverðugur og var Kristófer dæmdur í þriggja ára fangelsi í héraðsdómi. Landsréttur mildaði hins vegar dóminn og vísaði þar til fyrrnefndra tafa við málið. Var hann dæmdur í tveggja og hálfs árs fangelsi. Þá staðfesti Landsréttur dóm um einkaréttarkröfu stúlkunnar og var Kristófer gert að greiða henni 2 milljónir króna í bætur.

Tengdar fréttir

Kynferðisbrot

Landsréttur mildar þriggja ára nauðgunardóm

• Þriggja ára nauðgunardómur staðfestur
• Sýknuð af ákæru um að ljúga til um nauðgun
• Dómur vegna kynferðisbrota árið 2017 óraskaður
• Fær ekki að áfrýja dómi í kynferðisbrotamáli

» Fleiri tengdar fréttir

• Blogga um frétt