Bæjarstjórn Reykjanesbæjar mun hvorki funda með fulltrúum Stakkbergs ehf. í dag né á morgun að sögn Kjartans Más Kjartanssonar, bæjarstjóra Reykjanesbæjar.

Um­hverf­is- og skipu­lags­ráð Reykja­nes­bæj­ar hafnaði í síðustu viku beiðni Stakk­bergs um að vinna til­lögu að deili­skipu­lagi á kís­il­ver­inu í Helgu­vík, en Stakkberg er fé­lag í eigu Ari­on banka, sem keypti starf­sem­ina í Helgu­vík af þrota­búi United Silicon.

Greindi mbl.is frá því að Þórður Ólaf­ur Þórðar­son, stjórn­ar­formaður Stakkbergs, hefði í kjölfarið óskað eft­ir skýr­ing­um frá bæj­ar­stjórn vegna máls­ins og vildi fund um málið í dag, til að sjá hvað mönn­um þótti vanta upp á til­lög­una.

Frétt af mbl.is

Fara fram á að sitja fundinn

„Það verður ekki af fundinum í dag eða á morgun, en það er bæjarstjórnarfundur á morgun þar sem að þetta mál verður til umræðu,“ segir Kjartan Már.

„Hvort að við hittum fulltrúa Stakkbergs eftir það, það má vel vera,“ bætti hann við en kvaðst ekkert geta sagt um það hversu mikil eða djúp umræða verði um málið annað kvöld.

Fulltrúar íbúa­sam­tak­anna And­stæðing­ar stóriðju í Helgu­vík hafa farið fram á að fá að vera viðstadd­ir fund­ Stakkbergs og bæjarstjórnar ásamt lög­manni sam­tak­anna.

Frétt af mbl.is

Óska eftir fundi áður en kosið verður

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir

• Blogga um frétt