Fimm hlutu fyrsta vinning í EuroJackpot-útdrætti kvöldsins að þessu sinni og fá þeir rúma 2,5 milljarða króna hver í sinn hlut. Voru vinningsmiðarnir seldir í Finnlandi, á Ítalíu og Spáni, auk þess sem tveir heppnir keyptu miða sína í Þýskalandi.
Sex hlutu annan vinning að þessu sinni og fá þeir tæpar 540 milljónir hver. Þrír vinningshafar keyptu miða sína í Þýskalandi, en hinir þrír miðarnir voru keyptir í Finnlandi, Noregi og á Ítalíu.
Tíu hlutu þriðja vinning, rúmar 17 milljónir hver. Fjórir miðanna voru keyptir í Þýskalandi, tveir í Finnlandi og hinir voru keyptir í Póllandi, Ungverjalandi, Króatíu og Noregi.
Enginn var með allar tölur réttar í réttri röð í jókerútdrætti kvöldsins. Tveir voru hins vegar með fjórar tölur réttar og var annar miðinn í áskrift, en hinn var keyptur í Olís við Gullinbrú. Hljóta þeir 100.000 kr. hvor.
Vinningstölur: 13, 15, 18, 39, 45
Stjörnutölur: 5, 6
Jóker: 0, 1, 1, 5, 1