Blaðamannafundi Orkuveitu Reykjavíkur þar sem niðurstaða úttektar innri endurskoðunar á vinnustaðarmenningu og tilteknum starfsmannamálum er nú lokið. Fundurinn var í beinni útsendingu en sjá má upptöku frá fundinum í þessari frétt.
Úttektin tengist uppsögn Áslaugar Thelmu Einarsdóttur, sem var sagt upp störfum sem forstöðumanni einstaklingsmarkaðar Orku náttúrunnar í haust. Tveimur dögum síðar var framkvæmdastjóra ON, sem er dótturfyrirtæki OR, Bjarna Má Júlíussyni, sagt upp störfum vegna óviðeigandi framkomu við starfsfólk.
Þá steig Bjarni Bjarnason, forstjóri OR, til hliðar á meðan málið væri til skoðunar og Helga Jónsdóttir tók við tímabundið.
Áslaug Thelma greindi frá því fyrr í dag að hún hefði frétt af fundinum í fjölmiðlum og að hún hefði ekki séð lokaskýrsluna, en uppsögn hennar er ein af þeim starfsmannamálum sem fjallað er um í úttekinni.
Í forsvari á fundinum eru Brynhildur Davíðsdóttir, formaður stjórnar OR, Helga Jónsdóttir, starfandi forstjóri OR og Berglind Rán Ólafsdóttir, framkvæmdastjóri Orku náttúrunnar.