Kitluðu bragðlaukana í Hörpu

Fjöldi manns tók sér hlé frá jólastressinu í dag og kom við á matarhátíð Búrsins sem haldin er í Hörpu þessa helgina.

Jólamatarmarkaðurinn er orðin árviss viðburður og að þessu sinni gátu gestir kynnt sér hátíðarmat, heilsumat og matarhandverk. Meðal þess sem þar ber fyrir vit þessa helgina er hangið kjet, heitar sósur, sýrt grænmeti, hnetusteikur, þurrkað þang og súkkulaði svo fátt eitt sé nefnt.