Ung kona var flutt á sjúkrahúsið á Akureyri eftir að hafa velt bifreið sinni á Staðarbakkavegi, skammt við bæinn Staðartungu í Hörgárdal í kvöld.
Lögreglu barst tilkynning um bílveltuna um klukkan hálfátta í kvöld og fór á vettvang ásamt sjúkrabíl og tækjabíl slökkviliðs sem aðstoðaði við að ná konunni úr bílnum. Ökumaðurinn er ekki alvarlega slasaður og segir varðstjóri hjá lögreglunni á Akureyri að sannarlega hefði getað farið verr.
Bíllinn er hins vegar gjörónýtur.