Eldur kom upp í mælaborði bifreiðar á Þjóðbraut í Reykjanesbæ skömmu fyrir klukkan 17 í dag og var slökkvilið Brunavarna Suðurnesja kallað á staðinn.
Að sögn varðstjóra komst ökumaðurinn út úr bílnum og sakaði ekki. Vegfarendum hafði þegar tekist að slökkva eldinn að mestu með slökkvitækjum áður en slökkvilið kom á staðinn, sem tryggði vettvang og kældi bifreiðina niður.
Um var að ræða eldri bifreið af gerðinni Toyota Corolla og er hún talsvert skemmd eftir atvikið. Vísir greindi fyrst frá.