Jafnréttislög ná ekki utan um kvennakvótann

Jafnréttislögin (10/2008) ná ekki utan um röðun eða val stjórnmálaflokka á framboðslista. Þetta segir Jón Fannar Kolbeinsson lögfræðingur Jafnréttisstofu spurður hvort nýr kvennakvóti Samfylkingarinnar standist lög.

Samþykkt var á flokk­stjórn­ar­fundi Sam­fylk­ing­ar­inn­ar að breyta kynja­kvóta í kvenna­kvóta. Með breyt­ing­un­um er aðeins gert ráð fyr­ir að hlut­fall kvenna sé tryggt í efstu sæt­um fram­boðslista, en ekki kynj­anna eins og áður var. Með breyt­ing­unni verður körl­um ekki leng­ur lyft upp um sæti vegna ákvæða um kynja­kvóta, aðeins kon­um.

„Í greinargerð með frumvarpi sem var sett við breytingar á lögum númer 5/1998 kemur fram að það sé á ábyrgð flokkanna sjálfra að tryggja jafna stöðu kynjanna á framboðslistum sínum. Í sömu greinargerð er tekið fram að gildandi kosningakerfi hérlendis tryggi ekki kynjajöfnuð með neinum hætti.“

Frétt af mbl.is

Kynjakvóta breytt í kvennakvóta

Kynjakvótar hafi ekki borið áætlaðan árangur

Flutn­ings­maður til­lög­u um kvennakvóta telur að kynja­kvót­ar hefðu verið hugsaðir til að jafna hlut kvenna í stjórn­mál­um. Að hans mati er kvennakvótinn því liður í að sjá til þess að kynja­kvót­ar gegni áfram sínu hlut­verki.

Jón segir að árangur vegna kynjakvóta hafi látið á sér standa hérlendis. „Það hefur vantað úrræði, einhver viðurlög til þess að geta brugðist við því þegar þeim lagaskilyrðum er ekki mætt.“

Jón Fannar Kolbeinsson, lögfræðingur Jafnréttisstofu. Ljósmynd/Aðsend

Jón tekur þó fram að Jafnréttisstofa hafi dagsektarheimildir. Nýverið var samin reglugerð í forsætisráðuneytinu sem fjallar um það hvernig þessum dagsektum skuli vera beitt. Hún er nú í ferli.

Nú er endurskoðun á jafnréttislögum að fara af stað. „Ég geri ráð fyrir því að þetta verði eitt af þeim atriðum sem verður rætt nánar þar,“ segir Jón.

• Blogga um frétt