Frá því að jarðskjálftahrina hófst í Öskju fimmtudaginn 7. nóvember hafa orðið um 700 jarðskjálftar og stendur hrinan enn yfir.
Stærsti skjálftinn varð á laugardaginn, 3,4 að stærð, en einn annar skjálfti hefur mælst yfir 3 að stærð. Um 20 skjálftar hafa verið yfir stærð 2.
Samkvæmt Veðurstofu Íslands eru engin merki um gosóróa. Um er að ræða brotaskjálfta sem tengjast líklega landrekshreyfingum.