Hafnarfjarðarbær hefur til bráðabirgða fært biðstöðina við Vörðutorg í Áslandi niður í brekku við Ásbraut og hefur biðstöðin því verið opnuð aftur. Í morgun var greint frá því að þremur biðstöðvum í hringtorgum hefði verið lokað vegna óvissu um lögmæti þeirra.
Biðstöðum við Hádegismóa og Hagatorg var lokað í morgun.
Strætó er í samskiptum við Reykjavíkurborg um nýja staðsetningu biðstöðvanna, að sögn Guðmundar Heiðars Helgasonar, upplýsingafulltrúa Strætó.