Vonar að friður skapist um Kristján

Katrín Jakobsdóttir forsætisráðherra vonast til að ákvörðun Kristjáns Þórs Júlíussonar sjávarútvegsráðherra, um að segja sig frá málum tengdum Samherja og sú staðreynd að Þorsteinn Már Baldvinsson, forstjóri Samherja, sé kominn í leyfi frá störfum, muni skapa frið um störf sjávarútvegsráðherra.

Spillingarmál voru til umræðu á þinginu í dag þar sem Katrín tók til máls og sagði margt hafa færst til betri vegar í þeim efnum á undanförnum árum, til að mynda reglur um hagsmunaskráningu þingmanna. Hún segir að í Samherjamálinu hefði mögulega verið hægt að fylgjast betur með óeðlilegu athæfi ef alþjóðasamvinna væri lengra á veg komin í þessum efnum.

Í myndskeiðinu er rætt við Katrínu um spillingarmál og stöðu sjávarútvegsráðherra sem eins og fram hefur komið er fyrrverandi stjórnarformaður Samherja og hefur verið vinur Þorsteins Más Baldvinssonar um áratugaskeið. 

mbl.is

Bloggað um fréttina

Fleira áhugavert
Fleira áhugavert