Bráðabirgðaniðurstöður rannsóknar lögreglunnar á Akureyri á upptökum eldsvoða á Norðurgötu aðfaranótt sunnudags benda til þess að eldurinn hafi kviknað á timbursvölum á vesturhlið hússins.
Þetta staðfestir Bergur Jónsson, aðstoðaryfirlögregluþjónn á Akureyri, í samtali við RÚV.
Lögreglan hefur rætt við fjölmörg vitni í tilraun til þess að þrengja tímarammann frá því að eldurinn kom upp og þangað til viðbragðsaðilar mættu á staðinn. Þá hefur tæknideild lögreglunnar á höfuðborgarsvæðinu rannsakað vettvang.
Klukkan 05:14 aðfaranótt laugardags fengu lögregla og slökkvilið á Akureyri tilkynningu um eld í íbúðarhúsi við Norðurgötu. Í húsinu eru þrjár íbúðir, en eldurinn olli svo miklum skemmdum að rífa þurfti húsið.