Bygging 60 rýma hjúkrunarheimilis í Árborg hefst klukkan 14 í dag. Viðstödd verða Svandís Svavarsdóttir heilbrigðisráðherra og Gísli Halldór Halldórsson, bæjarstjóri Árborgar. Þetta kemur fram í tilkynningu frá Framkvæmdasýslu ríkisins.
Saman munu Svandís og Gísli munda skóflurnar á verðandi byggingarsvæði við austurenda Heilbrigðisstofnunar Suðurlands við Austurveg í Árborg. Eru íbúar á Suðurlandi hvattir til að vera viðstaddir athöfnina, en að henni lokinni verður viðstöddum boðið upp á kaffiveitingar í húsnæði HSu.
Hér að neðan má sjá mynd af staðsetningu hjúkrunarheimilisins.