Karlmaður sem stakk annan mann í hálsinn á Strikinu í Kaupmannahöfn um síðustu helgi reyndist ekki vera Íslendingur heldur Hollendingur. Fyrst var greint frá því að árásarmaðurinn hefði verið Íslendingur, samkvæmt frétt Extra bladet.
Samkvæmt upplýsingum frá utanríkisráðuneytinu óskaði enginn Íslendingur eftir aðstoð borgaraþjónustunnar í Danmörku.
Maðurinn var handtekinn á hamborgarastaðnum Burger King á Ráðhústorginu, nokkur hundruð metra frá árásarstaðnum. Hnífstungan mun hafa átt sér stað í slagsmálum mannanna tveggja.