Steinunn Inga skipuð skólameistari FVA
Setja bókamerki
Steinunn Inga Óttarsdóttir hefur verið skipuð skólameistari Fjölbrautaskóla Vesturlands á Akranesi. Svandís Svavarsdóttir heilbrigðisráðherra skipaði hana í embættið sem settur mennta- og menningarmálaráðherra. Þetta kemur fram í tilkynningu á vef stjórnarráðsins.
Lilja Alfreðsdóttir ráðherra menntamála sagði sig frá því að skipa í embættið, vegna dómsmáls sem Ágústa Elín Ingþórsdóttir fyrrverandi skólameistari FVA höfðaði gegn ríkinu. Miklar deilur voru á milli Ágústu og kennara við skólann í aðdraganda þess að Lilja auglýsti stöðuna lausa til umsóknar.
Ríkið var sýknað af kröfum Ágústu Elínar í upphafi vikunnar, en skólameistarinn hélt því fram að hún hefði ekki verið látin vita af því að Lilja hygðist auglýsa embætti hennar með tilhlýðilegum fyrirvara. Fram kom í frétt mbl.is um niðurstöðu dóms Héraðsdóms Reykjavíkur að málinu yrði líklega áfrýjað til Landsréttar.
/frimg/1/16/60/1166025.jpg)
Steinunn Inga er starfandi framkvæmdastjóri Félags framhaldsskólakennara og var áður áfangastjóri bóknáms við Menntaskólann í Kópavogi. Hún er MA í hagnýtri menningarmiðlun (2019), diplóma í vettvangsnámi í stjórnun framhaldsskóla (2012), diplóma í mannauðsstjórnun (2008), MA í íslenskum bókmenntum (1996), M.Paed í íslensku (1994) og lauk kennaraprófi B.Ed. árið 1991, samkvæmt því sem fram kemur á vef stjórnarráðsins.
Hjón sluppu með skrekkinn
„Tíminn er runninn út fyrir Kristján Loftsson“
Segir óábyrgt að skipta út öllu bankaráðinu
Innviðir þandir og álagið „gríðarlegt“
Hafa samþykkt kaup fyrir um 9,2 milljarða
Benda á Samgöngustofu sem bendir út í heim