Lögreglan á höfuðborgarsvæðinu er með mikinn viðbúnað í Úlfarsárdal í Reykjavík vegna atviks sem tilkynnt var lögreglu á fjórða tímanum í dag. Maður féll fram af svölum og hafa fimm einstaklingar verið handteknir í tengslum við málið að sögn lögreglu. Ekki er ljóst á þessari stundu hvort maðurinn sé lífs eða liðinn.

„Málið er í rannsókn og lögregla er að vinna á vettvangi. Fimm aðilar hafa verið handteknir í tengslum við málið. Það er ekki hægt að segja til um tildrög á þessum tímapunkti,“ segir Margeir Sveinsson aðstoðaryfirlögregluþjónn í samtali við mbl.is.

Samkvæmt lögreglumanni á vettvangi var sérsveit ríkislögreglustjóra ekki kölluð til eins og áður hafði komið fram. Lögregla þurfti að brjóta upp lás íbúðarinnar á 2. hæð hússins til að komast þar inn.

Fréttin var uppfærð kl. 16.46.

mbl.is/Alexander Gunnar

Tengdar fréttir

Mannslát í Úlfarsárdal

„Svolítið hissa“ á dómi Landsréttar

• Landsréttur sneri við 16 ára manndrápsdómi
• 16 ára fangelsi fyrir morð í Úlfársárdal
• Ákærður fyrir morð með því að kasta manni af svölum
• Farbann vegna andláts í Úlfarsárdal framlengt

» Fleiri tengdar fréttir

• Blogga um frétt