„Hann er aðeins farinn að blása hjá okkur,“ má heyra stýrimann á varðskipinu Þór segja við félaga sinn á myndskeiði Landhelgisgæslunnar sem tekið var út af Dýrafirði snemma í morgun. Eins og sjá má var þá farið að hvessa hressilega á Vestfjarðamiðum og gekk sjórinn yfir varðskipið. 

Frétt af mbl.is

„Held að þetta eigi bara eftir að versna“

Varðskipið Þór er til taks í Ísafjarðardjúpi ef á þarf að halda en skipið hefur sinnt eftirliti á hafsvæðinu umhverfis landið undanfarna daga. Eins og gefur að skilja er lítil skipaumferð á Vestfjörðum. Fjögur skip eru undir Grænuhlíð og eitt tankskip er á leið fyrir Hornbjarg og fer suður með Vestfjörðum. Engin skipaumferð er á miðunum norður af landinu en stjórnstöð Landhelgisgæslunnar fylgist vel með skipaumferð umhverfis landið allt.

Samkvæmt upplýsingum frá Landhelgisgæslunni eru þyrlur gæslunnar sömuleiðis til taks í Reykjavík. 

Sjór gekk yfir varðskipið Þór út af Dýrafirði í morgun. Veður er tekið að versna en Þór verður til taks í Ísafjarðardjúpi ef á þarf að halda. Ljósmynd/Landhelgisgæslan

Tengdar fréttir

Ofsaveður í desember 2019

Færanlegar rafstöðvar efla fjarskiptaöryggi

• Áskoranir og viðbrögð vegna óveðursins
• Varaafl bætt á 68 fjarskiptastöðum
• Strengurinn bætir ástandið mikið eftir óveðrið
• Stór áfangi að ólík ráðuneyti geti unnið saman

» Fleiri tengdar fréttir

• Blogga um frétt