Þau tíðindi berast nú frá Happdrætti Háskóla Íslands að útdrætti kvöldsins verður frestað. Þetta er í fyrsta sinn í 85 ára sögu happdrættisins sem til þessa þarf að grípa.

„Vegna fárviðrisins sem gengur yfir landið núna sáum við ekki annað í stöðunni en að fresta útdrættinum þar til á morgun. Við fylgjum ákveðnum reglum við útdráttinn og það er nokkur fjöldi fólks sem þarf að vera viðstaddur dráttinn, meðal annars fulltrúi sýslumanns og Happdrættisins,“ segir Úlfar Gauti Haraldsson, rekstrarstjóri flokkahappdrættis Háskóla Íslands, í tilkynningu.

„En fátt er svo með öllu illt að ei boði gott því það er öruggt að einn heppinn miðaeigandi mun hreppa 30 milljónir króna svo fólk hefur enn möguleika á að kaupa miða,“ er enn fremur haft eftir honum í tilkynningu.

Þetta hefur aldrei gerst áður í 85 ára sögu Happdrættis Háskólans.

Tengdar fréttir

Ofsaveður í desember 2019

Færanlegar rafstöðvar efla fjarskiptaöryggi

• Áskoranir og viðbrögð vegna óveðursins
• Varaafl bætt á 68 fjarskiptastöðum
• Strengurinn bætir ástandið mikið eftir óveðrið
• Stór áfangi að ólík ráðuneyti geti unnið saman

» Fleiri tengdar fréttir

• Blogga um frétt