Truflanir á fjarskiptum á Norðurlandi
Setja bókamerki
Staðbundnar truflanir eru á fjarskiptakerfum á Norðurlandi og hefur samhæfingarstöð almannavarna í Skógarhlíð átt fund með forsvarsfólki í rafmagns- og fjarskiptageiranum.
Þetta staðfestir Rögnvaldur Ólafsson, lögreglufulltrúi hjá almannavarnadeild ríkislögreglustjóra, í samtali við mbl.is. „Það eru truflanir í kerfinu sem sumar hafa áhrif á fjarskiptin, þetta hangir svolítið saman. Við vorum að taka stöðuna á því hvað væri hægt að gera.“
Að öðru leyti segir Rögnvaldur að rólegt sé í samhæfingarstöðinni enn sem komið er. Þar eru fulltrúar Neyðarlínunnar, almannavarnadeildar lögreglu og fjarskiptavaktardeildar, alls átta manns. „Svo erum við í samskiptum við aðra eins og Vegagerðina og Veðurstofuna.“
Samhæfingarstöðin hefur ekki verið virkjuð að fullu. Aðspurður hvort viðbúið sé að fjölga þurfi í samhæfingarstöðinni segist Rögnvaldur ekki búast við því að svo stöddu.
„Ég býst við að óbreyttu munum við ekki þurfa að bæta í en ef það gerist eitthvað ofan í þetta, alvarlegur atburður, þá munum við fjölga hérna inni.“
/frimg/1/48/46/1484659.jpg)
Ráðuneytisstjórar hafa stólaskipti
Íranar hafi vísvitandi gætt hófs
Bjarni hvetur til stillingar
„Ennþá í hálfgerðu áfalli yfir þessari frétt“
Trump mætir fyrir dóm í fyrsta sakamálinu
Skýrt skref í átt að stigmögnun
Bíða vorsins hjá Landsvirkjun
Önnur stunguárás í Sydney