Víða er skortur á heitu vatni á Akranesi eftir óveðrið sem gekk yfir landið. Jaðarsbakkalaug, Bjarnalaug og Guðlaug verða lokaðar fram yfir helgi af þessum sökum.

Veitur fara þess á leit við íbúa Akraness að fara vel með heita vatnið, minnka notkun heitra potta, hafa glugga lokaða og dyr ekki opnar lengur en nauðsyn krefur.

Ástæðan fyrir heitavatnsskortinum er sú að bilun varð í Deildartunguæð sem flytur til bæjarins heita vatnið frá Deildartunguhver, að því er segir í tilkynningu á vef Akraneskaupstaðar. 

Vegna rafmagnstruflana hefur einnig reynst erfitt að dæla í tankana af fullum krafti.

Tengdar fréttir

Ofsaveður í desember 2019

Færanlegar rafstöðvar efla fjarskiptaöryggi

• Áskoranir og viðbrögð vegna óveðursins
• Varaafl bætt á 68 fjarskiptastöðum
• Strengurinn bætir ástandið mikið eftir óveðrið
• Stór áfangi að ólík ráðuneyti geti unnið saman

» Fleiri tengdar fréttir

• Blogga um frétt