Landsréttur hefur fellt úr gildi gæsluvarðhaldsúrskurð Héraðsdóms Reykjavíkur yfir manni sem er grunaður um aðild að andláti manns sem féll fram af svölum þriðju hæðar í Úlfarsárdal í desember.

Frétt af mbl.is

Lögregla fer fram á áframhaldandi gæsluvarðhald

Maðurinn var í síðustu viku úrskurðaður í gæsluvarðhald til 13. febrúar. Úrskurðinum var áfrýjað 18. janúar. Landsréttur ákvað að fella hann úr gildi en í stað þess banna manninum för frá Íslandi þann tíma sem gæsluvarðhaldinu var ætlað að gilda. Sá sem lést í Úlfarsárdal var Lit­hái á sex­tugs­aldri.

Fram kemur í niðurstöðu Landsréttar að miðað við þau rannsóknarsóknargögn sem hafa verið lögð fram í málinu, einum samantektum af framburðum mannsins og vitna, sé nokkur óvissa um atburðarásina sem leiddi til dauða mannsins. Framburðum vitna beri ekki saman um þýðingarmikil atriði. Sóknaraðili hafi því ekki sýnt fram á það með gögnum að sterkur grunur sé fyrir hendi um að maðurinn hafi brotið gegn 211. gr. eða 2. mgr. 218. gr. almennra hegningarlaga nr. 19/1940. 

Hætta á að hann reyni að komast úr landi

„Í kröfu sóknaraðila um gæsluvarðhald kemur fram að varnaraðili sé erlendur ríkisborgari, hafi óveruleg tengsl við landið og eigi enga fjölskyldu hér á landi. Því sé talin hætta á að hann muni reyna að komast úr landi, leynast eða koma sér með öðrum hætti undan málsókn eða fullnustu refsingar. Fyrir hendi er rökstuddur grunur um að varnaraðili hafi gerst sekur um hegningarlagabrot sem varðað geti fangelsisrefsingu,“ segir í niðurstöðunni og fellst Landsréttur á að maðurinn gæti reynt að komast úr landi. 

Óforsvaranlegt að hann gangi laus

Í greinargerð lögreglustjórans á höfuðborgarsvæðinu, sem lesa má um í úrskurði héraðsdóms, kemur fram að maðurinn sé undir sterkum grun um brot gegn  211. gr. eða 2. mgr. 218. gr. almennra hegningarlaga nr. 19/1940, sem varðað geti allt að ævilöngu eða 16 ára  fangelsi.

„Er það mat lögreglu að gæsluvarðhald sé nauðsynlegt  m.t.t. almannahagsmuna og að óforsvaranlegt  þyki að kærði gangi laus þegar sterkur grunur leikur á að hann hafi framið svo alvarlegt brot líkt og honum sé gefið að sök.“

Tengdar fréttir

Mannslát í Úlfarsárdal

„Svolítið hissa“ á dómi Landsréttar

• Landsréttur sneri við 16 ára manndrápsdómi
• 16 ára fangelsi fyrir morð í Úlfársárdal
• Ákærður fyrir morð með því að kasta manni af svölum
• Farbann vegna andláts í Úlfarsárdal framlengt

» Fleiri tengdar fréttir

• Blogga um frétt