Vill að stjórn SORPU segi af sér
Setja bókamerki
Fulltrúi Flokks fólksins í borgarráði Reykjavíkur, Kolbrún Baldursdóttir borgarfulltrúi, lagði fram tillögu á fundi ráðsins í gær um að stjórnarmaður borgarinnar viki úr stjórninni í kjölfar skýrslu innri endurskoðunar Reykjavíkurborgar um málefni fyrirtækisins.
Fram kemur í tillögunni það álit að í raun ætti öll stjórn SORPU að segja af sér. „Henni hefur mistekist hlutverk sitt. Enn ein svört skýrsla innri endurskoðunar hefur birst á þessu kjörtímabili sem varla er hálfnað og snýr nú að stjórnarháttum SORPU.“
Málið snýst um framúrkeyrslu vegna áætlaðs framkvæmdakostnaðar við byggingar gas- og jarðgerðarstöðvar í Álfsnesi og móttökustöðvar í Gufunesi, en framkvæmdastjórn lagði til að fyrirtækið fengi 1,4 milljarða króna viðbótarframlag vegna þess.
Fram kemur í tillögunni að í ljósi áfellisdóms innri endurskoðunar Reykjavíkurborgar yfir framgöngu stjórnar SORPU í skýrslunni vegna málsins, einkum vegna eftirlitshlutverks hennar, hljóti stjórnarmaður borgarinnar að víkja úr stjórninni.
„Það er varla hægt að henda allri ábyrgðinni á framkvæmdastjórann. Ábyrgðin hlýtur fyrst og fremst að vera stjórnarinnar í þessu máli. Stjórn SORPU reynir að fría sig ábyrgð m.a. með því að segja að hún hafi kallað eftir úttekt innri endurskoðunar.“
Afgreiðslu málsins var frestað á fundi borgarráðs.
Skar höfuðleðrið af íslenskri konu
Sex hafa greinst með listeríu
Væri að ljúga ef ég segðist ekki stressaður
Skemmtiferðaskip hætt komið nærri Viðey
Banna mengandi búnað sem leyfður er á Íslandi
Kostnaður meiri en milljón á fermetra
Vélsleðaslys: Þyrlan kölluð út á mesta forgangi
Krefjast stöðvunar framkvæmda