Einn stálheppinn spilari var með allar tölurnar réttar í Víkingalottóinu í kvöld og fær hann í sinn hlut 4,4 milljarða króna. Vinningsmiðinn var keyptur í Danmörku.
Enginn hreppti annan eða þriðja vinning.
Fimm hérlendis voru með fjórar jókertölur réttar í réttri röð og fær hver vinningshafinn 100 þúsund krónur í vasann.
Miðarnir voru keyptir í Veganesti á Akureyri, Snælandi í Kópavogi, Olís við Ánanaust í Reykjavík og tveir voru í áskrift.
Vinningstölur kvöldsins: 2-3-11-13-27-47
Víkingatalan: 8
Jókertölurnar: 2-6-0-7-4