Tveir starfsmenn fréttastofu RÚV eru í sóttkví eftir að hafa umgengist einstakling sem greindist með kórónuveiruna. Stefán Eiríksson útvarpsstjóri segir yfirmenn ríkismiðilsins hafa fengið upplýsingar þessa efnis í gær. Öðru starfsfólki hafi verið greint frá málavöxtum.

Fréttablaðið greinir frá þessu og segir starfsmennina hafa verið senda í sóttkví í tengslum við mál hvar fólk sem sótti Vestmannaeyjar heim um verslunarmannahelgina greindist með kórónuveiruna.

Stefán segir að búið sé að skipta fréttastofunni upp í sóttvarnahólf, eins og gert var í vor. Ekki líti út fyrir að málið muni hafa áhrif á starfsemi fréttastofunnar að sinni.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt