Telja sig vita hver hótaði

Sprengjuhótun barst á netfang Menntaskólans við Hamrahlíð í nótt og því fellur skólahald þar niður framan af degi. Aðgerðum lögreglu í og við skólann er lokið.

Lögreglan telur sig vita hver stendur að baki hótuninni, en sá er staddur erlendis og hefur áður haft í hótunum með þessum hætti.

Þetta kemur fram í tilkynningu frá lögreglunni á höfuðborgarsvæðinu.

Frétt af mbl.is

Sprengjuhótun við MH

Um leið og lögreglu var tilkynnt um málið brást hún þegar við og gripið var til viðeigandi ráðstafana, sem miðuðu að því að leita af sér allan grun, kemur fram í tilkynningunni.

Aðgerðum á vettvangi er lokið og hafa skólastjórnendur verið upplýstir um það, en þeir taka ákvörðun um skólahald í dag.

• Blogga um frétt