Almannavarnir og Veðurstofa Íslands efna til blaðamannafundar í Katrínartúni klukkan 16 í dag. Tilefnið er hugsanlegt eldgos á Reykjanesi.
Þetta staðfestir Rögnvaldur Ólafsson aðstoðaryfirlögregluþjónn við mbl.is.
Fram kemur í tilkynningu að Víðir Reynisson yfirlögregluþjónn og Katrín Jónsdóttir, hópstjóri vöktunar og náttúruvár hjá Veðurstofu Íslands, muni tala á fundinum.