Jarðskjálftavirkni í Fagradalsfjalli jókst umtalsvert í gærkvöldi og stóð sú aukna virkni yfir frá um klukkan 18-23. Rétt eftir miðnætti, eða um klukkan 00.22, hófst órói sem stóð yfir í um 20 mínútur.

Skömmu síðar mældist skjálfti af stærð 3,8. Talsverð virkni var eftir þann skjálfta, meðal annars mældist skjálfti af stærð 3,0 kl. 00.55.

Klukkan 01.40 varð skjálfti af stærð 4,1 og nokkru seinna, klukkan 02.02, mældist skjálfti af stærð 5,0.

Frá þessu greinir í tilkynningu frá Veðurstofunni.

Í kjölfar stærsta skjálftans hafa mælst fjórir jarðskjálftar yfir 4 að stærð og margir skjálftar yfir 3 að stærð. Enginn órói hefur mælst síðan hans varð vart eftir miðnætti.

Frétt af mbl.is

Jarðskjálfti upp á 5 stig

Tengdar fréttir

Eldvirkni á Reykjanesskaga

„Var jákvæð en er núna reið, fúl og pirruð“

• „Maður sefur ekki á næturnar“
• Kvikan virðist nú skiptast til helminga
• Segir Þórkötlu reyna að slá mótmæli niður
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt