Túlkar tölur dagsins með varúð
Jóhann Ólafsson
Setja bókamerki
Ekki eru öll kurl komin til grafar varðandi kórónuveirusmit síðustu daga en í gær greindist eitt smit og var viðkomandi í sóttkví. Daginn áður greindust þrjú smit, öll utan sóttkvíar, og segir Þórólfur Guðnason sóttvarnalæknir að smitum gæti fjölgað í tengslum við þau.
„Töluverður fjöldi fór í sóttkví vegna smita í fyrradag og það geta átt eftir að koma fleiri smit vegna þeirra. Maður þarf að túlka tölur eins dags með varúð og horfa á þetta í víðara samhengi en þetta er engu að síður gott,“ segir Þórólfur við mbl.is.
Eins og greint var frá í gær taka tilslakanir á sóttvarnaaðgerðum innanlands gildi á morgun. Spurður hvort hann hafi einhverjar áhyggjur af þeim segir sóttvarnalæknir að áhyggjur fyrir fram hafi ekkert upp á sig.
„Þetta er búið að vera þannig ferli allan tímann að maður veit ekki alveg hvað gerist þegar verið er að herða eða aflétta. Við reynum að gera þetta eftir bestu getu og við erum að nýta okkur reynsluna frá fyrir afléttingum núna og vonum að það muni skila sér.“
Gerir ráð fyrir 150 samningum í næstu viku
Hafa „ágætis tíma“ til úrbóta
Mun fara sparlega með málskotsréttinn
Ný staða uppi og óvissan meiri
Nauðgaði kærustu sinni og tók það upp
Sárt að horfa upp á illa meðferð fjármuna
Segjast hafa skotið niður langdræga sprengjuvél