Norsku bóluefnaskammtarnir komnir
Setja bókamerki
AstraZeneca-bóluefnaskammtarnir við Covid-19 sem Íslendingar fá að láni frá Norðmönnum bárust til landsins síðdegis í dag. Þetta kemur fram í tilkynningu frá Stjórnarráði Íslands.
Áætlað er að byrjað verði að bólusetja með efninu strax í næstu viku í samræmi við fyrirmæli sóttvarnalæknis um notkun þess.
Norðmenn hafa gert hlé á bólusetningu með bóluefni AstraZeneca og voru skammtar Noregs sem runnið gætu út á meðan því lánaðir til Íslands og Svíþjóðar.
Norska lýðheilsustofnunin átti því á lager 216.000 skammta af AstraZeneca-bóluefninu með fyrningu í júní og júlí. Norsk heilbrigðisyfirvöld ákváðu að lána Svíum 200.000 skammta og Íslendingum 16.000 skammta sem þjóðirnar munu greiða til baka með AstraZeneca í sama magni þegar Norðmenn kalla eftir því, að því er fram kemur í tilkynningu.
„Sárt að horfa upp á þetta“
„Hefur smám saman verið að lagast“
„Ef það er einhver einn lærdómur...“
Danir í áfalli yfir brunanum
Mánuður frá gosi: Lengsta gosið frá 2021
50% fjölgun kærumála og aukið álag
Gleymir seint deginum sem skriðurnar féllu