Fimm greindust með Covid-19-smit innanlands í gær, en allir voru í sóttkví. Þetta kemur fram í bráðabirgðatölum frá almannavörnum, en ekki eru birtar tölur á vefnum covid.is um helgar því liggja aðeins fyrir bráðabirgðatölur. Í gær staðfesti Stefán Vagn Stefánsson, yfirlögregluþjónn á Sauðárkróki, að fjögur smit hafi greinst í bænum.

Hjördís Guðmundsdóttir, upplýsingafulltrúi almannavarna, staðfestir í samtali við mbl.is að eitt smitið hafi greinst utan Sauðárkróks.

Til viðbótar greindust tvö smit á landamærum.

Frétt af mbl.is

Aflétta sérstökum takmörkunum í Skagafirði

Þrátt fyrir fjölda smita í Skagafirði ákvað aðgerðastjórn almannavarna á Norðurlandi vestra að óska ekki eftir því að framlengd yrði sú reglu­gerð sem sett var fyr­ir Skaga­fjörð og Akra­hrepp vegna hópsmits sem upp kom á svæðinu. Því munu aðrar sótt­varnaaðgerðir sem aðgerðastjórn greip til og gilda til og með deginum í dag ekki verða fram­lengd­ar. 

Miðað við þennan fjölda hafa 27 smit greinst innanlands síðustu vikuna.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Kristín Inga Þormar: Hversu áreiðanleg eru PCR prófin sem eiga að greina smit?