Landhelgisgæslan var kölluð til nú á ellefta tímanum í dag til að athuga hvort einhver hefði orðið innilyksa við gosstöðvarnar eftir að hraun fór að flæða upp úr Geldingadölum að sunnan og yfir gönguleið A og ofan í Nátthaga að vestanverðu. Við þessa breytingu varð til stór óbrynnishólmi sem áður var hluti af vinsælustu gönguleiðinni að gosinu.

Frétt af mbl.is

Flæðir upp úr Geldingadölum yfir gönguleiðina

Líkt og mbl.is greindi frá fyrir skömmu fór hraunið að flæða þessa nýju leið í morgun og náði saman við hraunið sem var fyrir í Nátthaga klukkan níu í morgun.

Samkvæmt Landhelgisgæslunni var áhöfn þyrlunnar á leið til æfingar á Reykjanesi nú á ellefta tímanum þegar beiðni kom um að athuga hvort einhverjir væru innlyksa á óbrynnishólmanum. Var þá þyrlan á flugi rétt við gosstöðvarnar. Samkvæmt vakthafandi í stjórnstöð Landhelgisgæslunnar er ekki vitað til þess að neinn hafi orðið innlyksa, en gengið verði úr skugga um það með ítarlegri leit.

Hraunið flæðir nú beint úr Geldingadölum og niður skarðið þar sem gönguleið A hefur veri ðog ofan í Nátthaga. Ljósmynd/Almannavarnir

Tengdar fréttir

Eldvirkni á Reykjanesskaga

Helmingur umsókna samþykktur fyrir vikulok

• „Hvílir mikil leynd yfir þessu öllu“
• Grindavíkurvöllur vinsæll meðal ferðamanna
• Duster-bifreiðin farin úr hrauninu
• Ný mynd sýnir hvernig enn gýs úr gígnum

» Fleiri tengdar fréttir

• Blogga um frétt