„Hún fengi falleinkunn“
Setja bókamerki
Bæði stjórnar- og stjórnarandstöðuþingmenn tóku undir það í Silfrinu í dag að enn væri nokkur vinna eftir í kringum fjárlög næsta árs og taldi þingmaður Samfylkingarinnar að ekki myndi nást að klára þau fyrir jól.
Mikið var tekist á í Silfrinu í dag og hækkuðu flestir róminn.
Gísli Rafn Ólafsson, þingmaður Pírata, segir fjárlagafrumvarpið mjög ófullkomið og í raun ekki einu sinni í takt við það sem ríkisstjórnin hefur sagst ætla að framkvæma.
„Ef þetta væri ritgerð frá einhverjum í skóla fengi hún falleinkunn. Hún fengi falleinkunn vegna þess að það er ekki búið að klára hana.“
Jódís segir fjárlögin þurfa umræðu
„Ég trúi því varla að þetta sé í alvörunni það sem við ætlum að sjá frá þessari ríkisstjórn á fyrsta fjárlagaárinu,“ sagði Jóhann Páll Jóhannsson, þingmaður Samfylkingarinnar. Hann sagði að fjárlagafrumvarpið liti út eins og einhvers konar bráðabirgðaplagg.
Jódís Skúladóttir, þingkona Vinstri grænna, sagði það eðlilegt að ríkisstjórnin vilji láta fjárlagafrumvarpið mótast í þinginu. „Þetta þarf umræðu,“ sagði Jódís.
Hildur Sverrisdóttir, þingkona Sjálfstæðisflokksins, sagði að það þyrfti að spýta í lófana hvað varðar fjárlagafrumvarpið og að mikið at yrði í desember. Fjárlagafrumvarpið gæfi þó til kynna að hárrétt hafi verið brugðist efnahagslega við faraldrinum.
Mun fara sparlega með málskotsréttinn
Hægagangur og vaxandi ókyrrð
Sárt að horfa upp á illa meðferð fjármuna
Aðkoman í gripahúsið mjög slæm
Bjarkey stendur við skammarbréf Svandísar
Gerir ráð fyrir 150 samningum í næstu viku
29 nautgripir fundust dauðir
Ný staða uppi og óvissan meiri