Víða er þoka norðan- og austantil á landinu nú í morgunsárið. Líklega mun rofa til allvíða þegar líður á morguninn.
„Annars verður fremur hægur vindur í dag, skýjað með köflum og víða líkur á skúrum, einkum síðdegis inn til landsins. Hiti 9 til 16 stig,“ segir í hugleiðingum veðurfræðings Veðurstofu Íslands.
Þar kemur fram að norðan- og norðvestan gola eða kaldi verði á morgun, skýjað og sums staðar dálítil væta.
„Hiti 7 til 12 stig, en að 19 stigum sunnantil á landinu. Annað kvöld bætir í vind og fer að rigna austanlands,“ segir í hulgeiðingum veðurfræðings og jafnframt:
„Á sunnudag er svo útlit fyrir ákveðna norðvestanátt með rigningu og svölu veðri á Norður- og Austurlandi, en sunnan- og vestantil á landinu verður úrkomulítið og talsvert mildara.“