Hátt í þrír af hverjum tíu fullorðnum landsmönnum telja sig hafa verið bitna af lúsmý á Íslandi í sumar. Þetta eru tvöfalt fleiri en þegar spurt var fyrir þremur árum. 

Þetta kemur fram í nýjum þjóðarpúlsi Gallups. 

Þar segir, að fleiri íbúar landsbyggðarinnar en höfuðborgarsvæðisins telja sig hafa verið bitna af lúsmýi í sumar, eða nær þriðjungur á á móti ríflega fjórðungi höfuðborgabúa. Gallup segir að þetta sé breyting frá því fyrir þremur árum þegar bitin voru tvöfalt algengari í höfuðborgarsvæðinu en á landsbyggðinni. 

Fram kemur, að aukningin hafi verið mest á Norðurlandi. Hlutfall þeirra sem telja sig hafa verið bitna af lúsmýi hefur hækkað um 28 prósentustig í Norðvesturkjördæmi og 25 prósentusig í Norðausturkjördæmi.

Það hefur hækkað um 19 prósentustig í Suðurkjördæmi, 9 prósentustig í Suðvesturkjördæmi og 10 prósentustig á höfuðborgarsvæðinu. 

Tengdar fréttir

Lúsmý

Veggjalús ekki áhyggjuefni fyrir ferðaþjónustuna

• Smeyk við að ferðast eftir að hafa verið bitin
• Margir bitnir síðustu daga
• Blönduðum hernaði beitt gegn vaxandi lúsmýi
• Lúsmýið ætlar ekki að virða tveggja metra regluna

» Fleiri tengdar fréttir

• Blogga um frétt