Innlent | Morgunblaðið | 26.11.2022 | 14:21

Nethnetur vinsælt smygl fanga

Þessi 4G netbúnaður fannst við gegnumlýsingu en fangi hafði þá komið honum fyrir inni í tölvuflakkara til að vafra á netinu. Ljósmynd/Fangelsismálastofnun

Ólíkt því sem þekkist í fangelsum erlendis þá eru fangar hér á landi almennt ekki að smygla inn svokölluðum örsímum (e. mini phone) sem eru á stærð við kveikjara. Ástæðan fyrir því er einföld – fangar á Íslandi hafa aðgengi að símum. Á þessu eru þó undantekningar, minnst tveir farsímar hafa verið gerðir upptækir á Litla-Hrauni það sem af er ári.

Það sem fangar hafa hins vegar ekki er óheft aðgengi að netinu og því er áhersla lögð á smygl á netbúnaði, s.s. 4G-hnetum.

Halldór Valur Pálsson, forstöðumaður fangelsisins á Hólmsheiði, segir fanga í minnst eitt skipti hafa fjarlægt bakhlið af sjónvarpi, komið þar fyrir netbúnaði og virkjað neteiginleika sjónvarpsins til að ná sambandi við umheiminn.

Hægt er að nálgast umfjöllunina í heild sinni í Morgunblaðinu í dag.