Þjóðskjalasafn tók við samtals 2.429 hillumetrum af pappírsskjölum í 169 afhendingum á seinasta ári.
Er þetta mesta magn pappírsskjala sem borist hefur á Þjóðskjalasafnið á einu ári. Þessar upplýsingar koma fram í umfjöllun í ársskýrslu Þjóðskjalasafnsins fyrir árið 2021. Um seinustu áramót var heildarsafnkostur pappírsskjala í Þjóðskjalasafni samtals 46.059 hillumetrar. Þetta skjalamagn mælt í hillumetrum samsvarar vegalengdinni á milli Reykjavíkur og Hveragerðis og rúmlega það.
Safnið tekur einnig við rafrænum gögnum og fékk alls afhent 573 Gb af rafrænum gögnum í fimm afhendingum á seinasta ári.
Lesa má meira um málið í Morgunblaðinu í dag.