„Ótrúlegt að enginn hafi slasast“
Setja bókamerki
/frimg/1/40/43/1404346.jpg)
„Það er eiginlega ótrúlegt að enginn skyldi hafi slasast í þessu, bara þvílík heppni,“ segir Helgi Hjörleifsson, varðstjóri hjá slökkviliðinu á höfuðborgarsvæðinu, í samtali við mbl.is, um eldinn í Garðabæ í dag.
Engan sakaði er eldur kviknaði í þaki nýbyggingar í Eskiási í Garðabæ á fimmta tímanum í dag. Slökkvilið er enn á vettvangi en búið er að slökkva eldinn.
Helgi segir hættuna aðallega hafa stafað af því hve langt gaskútarnir tveir sem sprungu hafi flogið af þaki nýbyggingarinnar.
„Þetta var enginn smá kraftur, enda stórir kútar,“ segir Helgi.
Eldurinn einangraður í þakinu
Slökkvistarf gekk vel en mikill eldur var í fyrstu að sögn Helga.
„Þetta var að mér skilst einangrað í þakinu og aðeins farið að festa sig í klæðningu. Viðbragðið var líka gott, þannig við vorum fljótir á staðinn. Eldurinn náði sér aldrei almennilega á skrið út af því,“ segir Helgi.
Búið að bólusetja börn alla helgina
Myndskeið: „Fólk var komið ískyggilega nálægt“
Áköf mótmæli í bandarískum háskólum
Myndir: Reynir við heimsmet í Hlíðarfjalli í dag
„Þetta er pínu óvanaleg staða“
Áverkar bentu til manndráps