Í nýjum raunveruleikaþætti í sjónvarpi í Bretlandi verður sýnt þegar hundur fær andlitslyftingu og maginn er minnkaður á kanínu. Í þættinum sem nefnist Fegrunaraðgerðir á gæludýrum, verður sýnt hversu langt eigendur gæludýra ganga til að „auka sjálfstraust dýranna sinna,“ að því er fram kemur á vefmiðlinum Ananova.
Verður m.a. sýnt þegar gervieistu eru sett á hund sem hefur verið geldur.