Ríkissaksóknari vildi að ákvörðun um ákæru í skattahluta Baugsmálsins lægi fyrir hinn 15. desember ella yrði málið látið niður falla. „Hann setti okkur þau tímamörk að það lægi fyrir hvert málið stefndi fyrir 15. desember,“ segir Helgi Magnús Gunnarsson, saksóknari efnahagsbrota, sem fór aðeins fram úr frestinum því ákærur voru birtar á fimmtudaginn sl. Meira
Baugur Group segir í yfirlýsingu, að gamla Baugsmálið, sem hófst með húsleit hjá Baugi í ágúst 2002, sé enn á ferðinni í ákæru setts ríkislögreglustjóra vegna meintra skattalagabrota. Meira
Ný ákæra í Baugsmálinu hafði ekkert með það að gera að Tryggvi Jónsson ákvað að segja upp störfum hjá Landsbankanum í dag. „Ég vissi ekki af ákærunni fyrr en hálffjögur í dag og hún kom mér mjög á óvart," segir Tryggvi. „Ég er hreinlega gáttaður." Meira
Settur ríkislögreglustjóri hefur ákært Jón Ásgeir Jóhannesson, Tryggva Jónsson, Krístínu Jóhannesdóttur, Baug Group og fjárfestingafélagið Gaumi fyrir meiriháttar brot gegn skattalögum á árunum 1998 til 2003. Meira
Jóhannes Jónsson, gjarnan kenndur við Bónus, er ásamt lögfræðingum sínum að vinna að kæru á hendur ríkislögreglustjóra vegna Baugsmálsins svokallaða. Hann mun afhenda kæruna síðar í þessum mánuði. Meira
Jón Ásgeir Jóhannesson, starfandi stjórnarformaður Baugs, segir að Baugur muni á næstunni flytja einhver íslenskra félaga sinna til annarra landa, Bretlands, Danmerkur eða Færeyja. Hann muni segja sig úr stjórnum allra félaga Baugs, sem verða áfram hér á landi, innan fjögurra mánaða. Meira
„Að mínu mati þjónar það best almannahagsmunum að rannsaka vandlega hvernig farið var með lögreglu- og ákæruvald í þessu máli,“ segir Lúðvík Bergvinsson, þingflokksformaður Samfylkingarinnar, um Baugsmálið í grein í 24stundum í dag. Meira
„Lögin eru ótvíræð, menn sem hafa hlotið dóma fyrir refsiverða háttsemi mega ekki sitja í stjórnum,“ segir Skúli Jónsson, forstöðumaður Hlutafélagaskrár, um dóm Hæstaréttar í Baugsmálinu sem féll á fimmtudag. Meira
Rannsókn efnahagsbrotadeildar ríkislögreglustjóra á meintum skattalagabrotum einstaklinga tengdum Baugi er lokið. Að sögn Helga Magnúsar Gunnarssonar, saksóknara efnahagsbrota, verður sumarið nýtt til að yfirfara gögnin og taka ákvörðun um framhaldið. Ef til þess kemur að ákært verði, mun ákæra vera gefin út „einhvern tíma“ í haust. Meira
Forstöðumaður Hlutafélagaskrár segir, að Jón Ásgeir Jóhannesson, stjórnarformaður Baugs, megi ekki sitja í stjórnum hlutafélaga og einkahlutafélaga eftir dóm Hæstaréttar í gær. Þar var Jón Ásgeir dæmdur í 3 mánaða skilorðsbundið fangelsi fyrir bókhaldsbrot. Meira
Ingibjörg Sólrún Gísladóttir, utanríkisráðherra, hefur sent frá sér yfirlýsingu vegna Baugsmálsins þar sem fram kemur að hún telji bersýnilegt að dómstólar kveða upp úr um að umfang rannsóknarinnar og ákæranna sem gefnar voru út upphaflega var alls ekki í samræmi við tilefnið. Meira
„Þetta eru auðvitað vonbrigði,“ segir Brynjar Níelsson, verjandi Jóns Geralds Sullenberger. „Við höfðum í frammi málsástæður sem eiginlega ekkert var fjallað um í dómnum. Ég hélt að á þeim yrði tekið því þar voru gild sjónarmið. Dómurinn fjallar ekkert um þau.“ Meira
Sigurður Tómas Magnússon saksóknari í Baugsmálinu segir eitt og annað í dómi gærdagsins koma á óvart, forsendum sýknu í vissum liðum sé breytt, án þess að um það hafi verið mikið fjallað í málflutningnum. Meira
„Það er alveg ljóst að hlutafélagalögin gilda hér á landi,“ segir Stefán Már Stefánsson, lagaprófessor við Háskóla Íslands, um 66. grein hlutafélagalaga þar sem segir að „stjórnarmenn eða framkvæmdastjórar [...] mega ekki á síðustu þremur árum hafa í tengslum við atvinnurekstur hlotið dóm fyrir refsiverðan verknað“. Hann kvaðst ekki muna eftir dæmum um hvort lögin hefðu haft áhrif á stjórnarsetu manna hér á landi. Meira
„Tíminn mun leiða það í ljós en ég sé ekki í fljótu bragði að dómurinn hafi áhrif á störf mín,“ sagði Tryggvi Jónsson sem sakfelldur var í Hæstarétti í gær fyrir þátt sinn í Baugsmálinu. Tryggvi situr í stjórnum nokkurra fyrirtækja, flestum sem hann á sjálfur, og segist hann ekki vita hvaða áhrif dómurinn muni hafa á stjórnarsetu sína. Meira
Gestur Jónsson, lögmaður Jóns Ásgeirs Jóhannessonar, sagði eftir að hann hafði lesið dóm Hæstaréttar í Baugsmálinu í dag, að dómurinn staðfesti hversu fráleitar sakargiftirnar voru, þegar stofnað var til stærsta efnahagsbrotamáls Íslandssögunnar á hendur Jóni Ásgeiri. Meira
„Málið er búið og ég held að það sé ákveðið ánægjuefni í þessu máli, þó að sakborningar séu væntanlega ekki sáttir við niðurstöðuna,“ segir Sigurður Tómas Magnússon, settur ríkissaksóknari, um niðurstöðu Hæstaréttar í Baugsmálinu. Rýr uppskera segir verjandi Jóns Ásgeirs Jóhannessonar. Meira
Hæstiréttur segir í niðurstöðu sinni um Baugsmálið, að ekki sé fært samkvæmt lögum um meðferð opinberra mála, að endurskoða sönnunarmat héraðsdóms á grundvelli skjallegra gagna einna og án tillits til munnlegra skýrslna fyrir héraðsdómi. Meira
Sigurður Tómas Magnússon, settur saksóknari í Baugsmálinu, sagði um niðurstöðu hæstaréttar að þar með væri málið búið, og aðilar beggja vegna borðsins hlytu að vera ánægðir með það. Sigurður vildi ekki tjá sig um niðurstöðurnar þar sem hann hefði ekki haft tækifæri til að kynna sér þær.
Gestur Jónsson, verjandi Jóns Ásgeirs Jónssonar, sagði eftir að dómur Hæstaréttar féll að hann væri fyrst og fremst ánægður með að málinu væri lokið. Hann vildi ekki tjá sig nánar um niðurstöðuna þar sem hann hefði ekki haft tækifæri til að athuga á hverju hún byggðist.
Hæstiréttur staðfesti í dag dóma, sem sakborningar í Baugsmálinu hlutu í Héraðsdómi Reykjavíkur. Var um að ræða lokaþátt málsins sem hófst fyrir sex árum. Meira
Dómur í Baugsmálinu svonefnda verður kveðinn upp í Hæstarétti klukkan 16 í dag. Um er að ræða ákærur í átján liðum en í Héraðsdómi Reykjavíkur hlutu Jón Ásgeir og Jón Gerald þriggja mánaða skilorðsbundna dóma. Tryggvi Jónsson hlaut hins vegar tólf mánaða skilorðsbundinn dóm fyrir sinn þátt. Meira
„Sem einn sakborninga í Baugsmálinu hef ég lagalegan rétt – sem ég hef nýtt mér – til að fá aðgang að öllum málsskjölum og gögnum málsins. Vegna fjölda áskorana hef ég nú ákveðið að birta opinberlega hluta af þessum gögnum þar sem illskiljanlegt er hvernig íslenskir dómstólar hafa tekið á Baugsmálinu að mínu mati." Meira
Síðari dagur málflutnings í Baugsmálinu svonefnda í Hæstarétti er í dag. Í gær flutti Sigurður Tómas Magnússon, settur saksóknari, sína ræðu en í dag flytja verkjendur sakborninganna þriggja ræður. Meira