Innlent | Kosningar | mbl | 20.3.2018 | 10:03 | Uppfært 10:36

Halla Björk efst á L-listanum

Sex efstu á L-listanum við kosningarnar í vor. Frá vinstri: Þorgeir Finnsson, Hildur Betty Kristjánsdóttir, oddvitinn Halla Björk Reynisdóttir, Andri Teitsson, Anna Fanney Stefánsdóttir og Geir Kristinn Aðalsteinsson. mbl.is/Skapti Hallgrímsson

Halla Björk Reynisdóttir, flugumferðarstjóri og fyrrverandi bæjarfulltrúi, verður í efsta sæti Lista fólksins á Akureyri við bæjarstjórnarkosningarnar í vor. L-listinn fagnaði 20 ára afmæli með kaffisamsæti í menningarhúsinu Hofi um helgina og þá var tilkynnt hverjir skipa listann við kosningarnar.

Athygli vekur að Brynhildur Pétursdóttir, fyrrverandi alþingismaður Bjartrar framtíðar, tekur sæti á L-listanum.

Halla Björk Reynisdóttir sat í bæjarstjórn fyrir L-listann kjörtímabilið 2010 til 2014 þegar listinn náði hreinum meirihluta, sex bæjarfulltrúum, og var formaður bæjarráðs um tíma. L-listinn fékk tvo menn kjörna fyrir fjórum árum og er í meirihlutasamstarfi við Framsóknarflokk og Samfylkingu.

Þessir skipa L-listann við kosningarnar í vor.

1. Halla Björk Reynisdóttir

2. Andri Teitsson

3. Hildur Betty Kristjánsdóttir

4. Þorgeir Finnsson

5. Geir Kristinn Aðalsteinsson

6. Anna Fanney Stefánsdóttir

7. Þorsteinn Hlynur Jónsson

8. Anna Hildur Guðmundsdóttir

9. Víðir Benediktsson

10. Brynhildur Pétursdóttir

11. Jón Þorvaldur Heiðarsson