Karen Elísabet Halldórsdóttir bæjarfulltrúi sækist eftir 1. sæti sjálfstæðismanna í Kópavogi í prófkjöri sem fer fram 12. mars nk.
Karen Elísabet hefur setið í bæjarstjórn Kópavogs undanfarin átta ár. Hún er varaformaður bæjarráðs, formaður velferðarráðs, lista- og menningarráðs og öldungaráðs. Einnig hefur hún setið í ráðgjafanefnd Jöfnunarsjóðs Sambands íslenskra sveitafélaga í tæp átta ár og fjögur ár í stjórn Strætó. Hún er með BA-gráðu í sálfræði og meistaragráðu í mannauðsstjórnun og starfar sem skrifstofustjóri samhliða störfum bæjarfulltrúa.