Ari Matthíasson

Ari gefur kost á sér hjá VG

Senda frétt

Prenta frétt

Deila

Deila fréttinni á...

Facebook

Delicious

Hætta við

Twitter

Digg

StumbleUpon

Blogga um frétt

Bloggað um fréttina

1 blogg um fréttina »

• Kristján Logason
  kosningar008

Ari Matthíasson leikari og áður framkvæmdastjóri hjá SÁÁ gefur kost á sér í 2. sæti á lista VG í Reykjavík.  Ari er lærður leikari frá Leiklistarskóla Íslands, með  meistaragráðu í stjórnun og viðskiptum frá Háskólanum í Reykjavík, er með skipsstjórnarréttindi og er í meistaranámi í hagfræði í Háskóla Íslands.

„Ég hef starfað sem togarasjómaður, leikið, leikstýrt og framleitt, starfað við markaðsstörf og ráðgjöf og verið stjórnandi í heilbrigðisstofnun. Ég tel að þessi fjölbreytta menntun og starfsreynsla muni nýtast vel í því mikilvæga uppbyggingarstarfi sem framundan er á Íslandi.

Mikilvægustu verkefni okkar Íslendinga á næstunni snúa að því að slá skjaldborg um velferðarkerfið og að tryggja fjárhagslegt öryggi heimilanna. Það verður einungis gert með auknum jöfnuði og félagshyggju. Á tímum samdráttar og niðurskurðar er hætt við því að hinir atvinnulausu og þeir sem standa á einhvern hátt höllum fæti þurfi á öflugum málsvara að halda. Ég býð mig fram til þess.

Munum að kaupmáttur og lífskjör á Íslandi voru um síðustu aldamót með því besta sem gerist í heiminum og engin ástæða er til að efast um að svo geti orðið að nýju. Til þess þarf að lágmarka tjón okkar af óreiðumönnunum og koma illa fengnum auði aftur inn í velferðarkerfið.

Ég hef gengt trúnaðarstörfum í íþróttahreyfingunni og stéttarfélagi leikara og verið í forystusveit áhugafólks um áfengis- og vímuefnavandann.  Ég er giftur Gígju Tryggvadóttur tannfræðingi og við eigum þrjú börn á aldrinum 10-21 árs," að því er segir í tilkynningu frá Ara.

Til baka