Senda inn efni
 |
Tveir nýliðar á sýningunni vöktu þó einna mesta athygli en það voru veffyrirtækin Google og Yahoo. Þau stilltu sér upp við hlið stórra nafna í raftækjageiranum eins og Sony, Samsung og Toshiba.
Google og Yahoo lögðu áherslu á það á sýningunni að fólk gæti nálgast það efni sem það vildi þegar það vildi, t.d. sjónvarpsþætti og tónlist. Google tilkynnti þar að fyrirtækið hygðist opna vefverslun með sjónvarpsefni á Google-vefsíðunni. Þar gæti fólk nálgast vinsæla sjónvarpsþætti eins og CSI, Star Trek og Survivor, svo dæmi væru nefnd. Að sögn forsvarsmanna Google er hugmyndin sú að stafrænar upplýsingar verði öllum aðgengilegar með hvers kyns tölvubúnaði, alls staðar og alltaf. Umræddur búnaður er t.a.m. tölvur, farsímar, iPod mp3-spilarar o.fl.
Yahoo tilkynnti það á sýningunni að fyrirtækið mundi gera sínum notendum, sem eru um 450 milljónir, kleift að komast inn í tölvupóstinn sinn, myndaalbúm o.fl. í gegnum sjónvarp eða farsíma. Að sögn forsvarsmanna Yahoo er hugmyndin á bak við þetta sú að færa mikilvæga þjónustu Yahoo nær notendunum í sínu daglega lífi. Þeir segja að netið sé að breytast úr því að vera staður fyrir vefsíður yfir í það að vera tæki sem býður upp á alhliða þjónustu fyrir neytendur.
 |
| • Myndasyrpa frá CES raftækjasýningunni • Úttekt Cnet á CES hátíðinni í Las Vegas • Allt um tæknimál fyrir fyrirtæki |
 |
Til baka