Liam Gallagher, söngvari rokksveitarinnar Oasis, hefur stofnað nýja hljómsveit með Nicole Appleton, unnustu sinni, og systur hennar, Natalie, en þær voru báðar í stúlknasveitinni All Saints. Þá verður Liam Howlett, eiginmaður Natalie, fjórði liðsmaður sveitarinnar.
Sveitin er nefnd NLLN, í anda ABBA, en hún kemur einungis fram á heimili Liams. Haft er eftir Nicole í götublaðinu The Sun að þegar sveitin hafi fyrst komið saman hafi hún sungið lagið "Drop The Gun" og að Liam hafi öskrað svo hátt að aðrir hafi ekki heyrt í sjálfum sér.