Bandaríska söng- og leikkonan Madonna er í miklu uppáhaldi hjá þeim sem skemmta sér við að setja saman lista yfir það versta í kvikmyndum. Hún hefur safnað að sér hindberjaverðlaunum, sem árlega eru veitt í Bandaríkjunum fyrir verstu frammistöðu í kvikmyndum og nú hefur breska kvikmyndablaðið Empire valið ástarsenu hennar og Williams Dafoe, í myndinni Body of Evidence verstu ástarsenu í kvikmynd.
Í senunni er Dafoe bundinn fastur við rúm en Madonna lætur heitt kertavax leka á hann.
Tilburðir þeirra Michaels Douglas og Sharon Stone í myndinni Basic Instinct koma næstir að mati Empire og Stone fær einnig „viðurkenningu" fyrir myndina Sliver. Þá eru kemst Mickey Rourke á listann fyrir fimi með ísmola og önnur hjálpargögn í myndinni 91/2 Weeks.
Listi Empiere:
1. Body of Evidence (1992)
2. Basic Instinct (1991)
3. Last Tango in Paris (1972)
4. The Color of Night (1994)
5. The Matrix Reloaded. (2003)
6. Killing Me Softly. (2002)
7. Showgirls (1995)
8. Disclosure (1994)
9. 91/2 Weeks (1986)
10. Sliver (1993)