Enska gítarleikarann Eric Clapton dauðlangaði að ganga í rokkhljómsveitina Rolling Stones árið 1974. Keith Richards, gítarleikari hljómsveitarinnar, upplýsir þetta í viðtali við tímaritið Mojo og segir að Clapton hafi nýlega skýrt sér frá þessari löngun sinni.
Richards segir, að Clapton hafi langað að ganga í Rolling Stones þegar Mick Taylor hætti en lét aldrei vita af því þar sem hann hafi talið að Mick Jagger eða Richards myndu hringja í hann og bjóða honum starfið. Richards segir hins vegar, að Clapton hefði aldrei fengið inngöngu í hljómsveitina þar sem hann sé of latur.
„Sumir eiga heima í hljómsveitum og sumir ekki. Ef einhver er latari en ég þá er það Eric," segir Richards í viðtalinu. „Hann hefur allt sem þarf en Eric er að sumu leyti eins og Mick Taylor. Hann þarf að ráða menn til að spila með sér til að fá spark í rassinn."