Sjampóauglýsingar, sem bandaríski kvikmyndaleikarinn Ben Affleck lék í, verða ekki sýndar í Bandaríkjunum þar sem talin er hætta á að auglýsingarnar kunni að skaða orðstír hans þar í landi.
Auglýsingarnar, sem gerðar voru fyrir L'Oreal, hafa verið sýndar í nokkrum löndum, þar á meðal hér á landi en Affleck er sagður hafa fengið 1,5 milljónir dala fyrir að koma fram í þeim. Þar sést hann kyssa unga fyrirsætu sem handleikur hár hans.