Engar vísbendingar um að nálægð við kjarnorkuver auki hættu á krabba

Alls engar vísbendingar eru um að börnum sem búa í grennd við kjarnorkuver sé hættara en öðrum börnum við því að fá krabbamein, samkvæmt athugun breskrar rannsóknarnefndar. Byggir hún niðurstöður sínar á gögnum um 32 þúsund krabbameinstilvik meðal barna í Bretlandi 1969-93.

Frá þessu greinir fréttavefur breska ríkisútvarpsins, BBC.

Almennt benda niðurstöður athugunarinnar til þess, að börn sem búa í innan við 25 km fjarlægð frá kjarnorkuverum í Bretlandi eigi ekki fremur á hættu en önnur börn að fá krabbamein. Þó kom í ljós fjöldi tilvika í grennd við Rosyth-kjarnorkugeymslustöðina, en rannsóknarnefndin segir að þetta megi útskýra með ýmsum öðrum hætti en geislun af völdum kjarnorku.

Formaður nefndarinnar sagði að athugunin sé „eins afgerandi og mögulegt er“.

• Blogga um frétt