Senda inn efni
Umbótasinnar handteknir í Íran
| John Mccain |
|
Staðan í kosningunum 162 : 349 |
|
Barack Obama |
Fær Roland Burris þingsætið eftir allt saman?
Öldungadeildarþingmenn demókrata sem töldu sig geta hindrað Roland Burris í að taka sæti Barack Obama í þingdeildinni reynast hafa vanmetið kynþáttalega þætti málsins, svo og viðbrögð almennings og þann lagalega grundvöll sem þeir hugðust ætla að byggja höfnunina á. Meira
Forsetar snæða saman
Forseti Bandaríkjanna, George W. Bush, mun eiga fund með Barack Obama, verðandi forseta, í dag en eftir fundinn munu þeir snæða hádegisverð með öllum þeim sem gegnt hafa embætti forseta landsins og eru enn á lífi. Er þetta í fyrsta skipti síðan 1981 sem slíkur forsetafundur er haldinn í Bandaríkjunum. Meira
Obama velur talsmann Hvíta hússins
Barack Obama, sem tekur við forsetaembætti í Bandaríkjunum 20. janúar, hefur valið Robert Gibbs sem talsmann Hvíta hússins. Gibbs hefur starfað hjá Obama frá árinu 2004 og verið upplýsingafulltrúi hans. Meira
Obama vinnur hratt
Barack Obama vinnur hratt þessa dagana og svo virðist sem hann sé búinn að ráðstafa helstu embættum í væntanlegri ríkisstjórn sinni. Fréttir bárust af því í gærkvöldi að hann hefði valið Timothy Geithner, bankastjóra seðlabanka New York ríkis, sem fjármálaráðherra. Mæltist þetta vel fyrir á Wall Street en bandarísk hlutabréf hækkuðu samstundist umtalsvert í verði. Meira
Obama velur dómsmálaráðherra
Barack Obama, verðandi forseti Bandaríkjanna, hefur tilnefnt lögmanninn Eric Holder í embætti dómsmálaráðherra, að sögn bandarískra fjölmiðla í kvöld. Staðfesti öldungadeild þingsins tilnefninguna verður Holder fyrsti þeldökki dómsmálaráðherra landsins. Meira
Obama og McCain áttu fund
Þeir Barack Obama og John McCain, sem áttust við í forsetakosningunum í Bandaríkjunum fyrir hálfum mánuði, hittust á fundi í dag og hétu því að leggjast saman á árar við koma á umbótum til að stuðla að lausn efnahagsvandans, breyta stefnu í orkumálum og tryggja þjóðaröryggi. Meira
Verður Gates áfram varnarmálaráðherra?
Sterkur orðrómur er um það í Washington, höfuðborg Bandaríkjanna, að Robert Gates verði áfram varnarmálaráðherra landsins í nýrri ríkisstjórn Baracks Obama. Telja ýmsir að þar skipti sköpun yfirburða þekking Gates á stöðu mála í Afganistan og Írak en á sama tíma telja aðrir að það geri Obama ókleift að halda Gates í embætti. Með því gefi hann umheiminum þau skilaboð að hann muni ekki standa við yfirlýsingar um að ljúka stríðinu í Írak. Meira
Hillary hugsanlega utanríkisráðherra
Barack Obama, sem kjörinn var forseti Bandaríkjanna í síðustu viku, er sagður íhuga að útnefna Hillary Clinton sem utanríkisráðherra landsins. Bandaríska sjónvarpsstöðin NBC hefur þetta eftir tveimur ónafngreindum ráðgjöfum Obama. Meira
Obama segir af sér þingmennsku
Barack Obama, sem í síðustu viku var kjörinn forseti Bandaríkjanna, mun segja af sér sem þingmaður á sunnudag. Obama hefur setið í öldungadeild Bandaríkjaþings fyrir Illinois í fjögur ár. Rod Blagojevich, ríkisstjóri Illinois, mun útnefna eftirmann Obama. Meira
Afríkugloppa Söruh Palin var gabb
Margskonar glappaskot og vankunnátta var hermd upp á Söruh Palin, varforsetaefni repúblikana, í nýliðinni kosningabaráttu um forsetaembættið í Bandaríkjunum. Ein af þeim verri þótti að hún skyldi hafa haldið að Afríka væri land en ekki álfa. Nú er hins vegar komið á daginn að þetta var eintómt gabb, einhverskonar bandarískir Baggalútar brugðu á leik og fréttin fékk vængi þegar ýmsir virðulegir fjölmiðlar Bandaríkjanna gengu í vatnið vegna þess að þeir vanræktu að sannreyna frumheimildina. Meira
Bush óvinsælasti forsetinn
George W. Bush er óvinsælasti forseti Bandaríkjanna frá því byrjað var að mæla slíkt kerfisbundið fyrir rúmum sex áratugum. Í nýrri könnun sem sjónvarpsstöðin CNN birti í dag sögðust 76% þátttakenda vera óánægðir með störf forsetans. Meira
Obama bað Nancy Reagan afsökunar
Barack Obama, sem á þriðjudag var kjörinn forseti Bandaríkjanna, hringdi í gær í Nancy Reagan, ekkju Ronalds Reagans, fyrrverandi Bandaríkjaforseta, og bað hana afsökunar á ummælum sem hann lét falla um að hún hefði haldið miðilsfundi í Hvíta húsinu. Meira
„Rahm-bo" mun stýra Hvíta húsinu
Rahm Emanuel, sem mun stýra Hvíta húsinu í Washington eftir að Barack Obama sver embættiseið sem forseti 20. janúar, er einn valdamesti demókratinn í fulltrúadeild Bandaríkjaþings. Hann þykir harður í horn að taka og er stundum nefndur Rahm-bo. Meira
Sólbrúnn og sætur spámaður
Silvio Berlusconi, forsætisráðherra Ítalíu, hrósaði Barack Obama, nýkjörnum forseta Bandaríkjanna, í hástert í dag og sagði að hann væri ungur, sætur og sólbrúnn. Sagði Berlusconi að umheimurinn liti á Obama sem spámann. Meira
Bush fer fögrum orðum um Obama
Í ræðu sem George W. Bush, fráfarandi forseti Bandaríkjanna, hélt í dag kallaði hann kosningasigur Obama „sigur bandarískrar sögu“ og sagði hann vera til vitnis um lýðræði landsins. Meira
Rice segir Obama hvetjandi
Condoleezza Rice, utanríkisráðherra Bandaríkjanna, segir Barack Obama veita landsmönnum hvatningu og innblástur og er afar stolt af því að fyrsti blökkumaðurinn hafi verið kosinn til forseta í landinu.
Efna til hátíðahalda vegna kjörs Obama
Stjórnvöld í Kenía efna til mikilla hátíðahalda í landinu á morgun til að fagna kjöri landa þeirra, Baracks Obama í embætti forseta Bandaríkjanna. Morgundagurinn verður almennur frídagur í Kenía af þessu tilefni. Leiðtogar um gervalla Afríku fagna mjög kjöri Obama í embætti og í heimalandi hans ríkir karnivalstemning. Meira
Mandela fagnar kjöri Obama
Nelson Mandela, fyrrum forseti Suður-Afríku, segir að kjör Baracks Obama sem forseta Bandaríkjanna sýni að allir geti látið drauma sína um að breyta heiminum rætast. Þetta kemur fram í bréfi sem Mandela hefur ritað til Obama. Meira
Kjör Obama nýtt tækifæri fyrir Bandaríkin
„Kjör Baracks Obamas hefur mikla táknræna þýðingu. Það breytir ásýnd Bandaríkjanna bæði innanlands og utan. Það felur í sér nýtt tækifæri fyrir Bandaríkin til að verða forysturíki á sviði lýðræðis og friðar í heiminum,“ segir Ingibjörg Sólrún Gísladóttir, utanríkisráðherra. Meira
Konur og ungt fólk kusu Obama
Úrslit liggja nú fyrir í 47 ríkjum af 50. Obama fór með sigur af hólmi í 26 ríkjum en McCain 21 ríki. Alls hefur Obama fengið 61.905.840 atkvæði eða 52% og 349 kjörmennen McCain 55.010.683 eða 47% og 161 kjörmann. Obama fékk 49% atkvæða karla en 56% atkvæða kvenna. McCain fékk 48% atkvæða karla og 43% atkvæða kvenna. Meira
Obama: Þetta er ykkar sigur
Barack Obama, nýkjörinn forseti Bandaríkjanna, sagði við stuðningsmenn sína í morgun að breytingar hafi knúið dyra í Bandaríkjunum. Þetta sé þeirra sigur. Talið er að 240 þúsund manns hafi komið saman á götum úti í Chicago, heimaborg Obama, til að fagna sigri demókratans yfir McCain. Meira
Hækkun á hlutabréfamörkuðum
Hlutabréfavísitölur hækkuðu í Asíu í kjölfar mikillar hækkunar á Wall Street í gærkvöldi. Jafnframt höfðu forsetakosningar í Bandaríkjunum talsverð áhrif á fjárfesta sem vonast til þess að nýr forseti muni taka á þeim vanda sem ríkir í bandarísku efnahagslífi. Nikkei vísitalan hækkaði um 4,5% í Kauphöllinni í Tókýó og er lokagildi hennar 9.521,24 stig. Meira
Heimur bloggs og YouTube
Forsetakjörið 2008 markar þáttaskil í Bandaríkjunum í mörgum skilningi; eitt af því sem mun gerbreytast eru aðferðirnar sem frambjóðendur nota til að ná til nýrra kjósenda. Netið hefur í fyrsta sinn í sögu kosninga haft úrslitaáhrif, liðsmenn Baracks Obama hafa nýtt sér af miklum dugnaði nýjungar eins og blogg og YouTube, sem ekki var til árið 2004. Meira
Breytingar hafa knúið dyra
Barack Obama, sem kjörinn var 44. forseti Bandaríkjanna í nótt, ávarpaði 65 þúsund stuðningsmenn sína í almenningsgarði í miðborg Chicago og sagði að breytingar hefðu knúið dyra í Bandaríkjunum. Meira