Að minnsta kosti þrír eru látnir í kjölfar jarðskjálftans á Ítalíu í morgun. Skjálftinn mældist 5,8 stig og varð um kl. 7 í morgun að íslenskum tíma.

Nýstúdentinn Guðrún Þóra Sigurðardóttir er dúx frá Kvennaskólanum í Reykjavík en hún útskrifaðist á laugardaginn af náttúrufræðibraut skólans með 9,84 í lokaeinkunn. Er það hæsta einkunn á stúdentsprófi í sögu skólans.

„Þetta er góður árangur en ekki frábær,“ segir Jacky Pellerin, landsliðsþjálfari Íslands í sundi, í viðtali við Morgunblaðið um árangur íslensku keppendanna á Evrópumótinu í 50 metra laug sem kláraðist í Debrecen í Ungverjalandi á sunnudaginn.

„Við ákváðum að fagna þessu almennilega fyrst við erum orðnir þrefaldir meistarar,“ sagði Aron Pálmarsson, leikstjórnandi þýska handboltastórveldsins Kiel, við Morgunblaðið í gærkvöldi en Kiel-liðið var þá mætt til Mallorca til að fagna sigri í Meistaradeildinni.

Hækkun varð á mörkuðum í Asíu annan daginn í röð. Er hækkunin m.a. rakin til aukinnar bjartsýni um að Grikklandi haldi áfram evrusamstarfinu.

Ríflega fjórir af hverjum tíu Íslendingum vilja leyfa kínverska athafnamanninum Huang Nubo að leigja jörðina Grímsstaði á Fjöllum en tæpur þriðjungur er því mótfallinn, samkvæmt niðurstöðum skoðanakönnunar Fréttablaðsins og Stöðvar 2.

Thomas Sörensen, markvörður enska úrvalsdeildarliðsins Stoke, hefur þurft að draga sig úr hópi Dana fyrir Evrópumótið í knattspyrnu vegna bakmeiðsla.